A është djegur viti akademik? – Debate në Argument. Prifti: “De juro”, po
Nisur nga asambleja e pedagogëve dhe zhvillimet e fundit në lidhje me protestën e studentëve, të hënën, në emisionin Argument, u vendosën përballë në një debat të ashpër përfaqësues të palëve politike, pedagogë dhe studentë.
Deputetja e Partisë Socialiste, Milva Ekonomi, foli për nismat që ka ndërmarrë qeveria deri më tani në lidhje me kërkesat e studentëve. Ekonomi shpjegoi skemën e përfitimit të bursave dhe rimbursimeve si dhe procesin e pajisjes me kartën e studentit.
Nga ana tjetër, pedagogu Rezart Prifti, në një lidhje direkte me Skype, theksoi se pas mbledhjes së Asamblesë, u morën disa vendime të cilat iu drejtuan kryeministrit në formë zyrtare. Prifti shpjegoi se çfarë do ndodhë në vijim, nëse qeveria nuk tërhiqet nga vendimet e marra.
Të ftuar në studio paralele, ishin dhe studentë nga universitete të ndryshme, të cilët shprehën se qeveria nuk ka plotësuar një pjesë të kërkesave siç është ajo e përgjysmimit të tarifave të masterit, rritjes së përfshirjes së studentëve në vendimmarrje e të tjerë.
Ergisa Bejkollari/SCAN
Pedagogu Rezart Prifti: Viti akademik është djegur. Pritet bojkot total nëse qeveria nuk tërheq VKM-të
Posted by Argument on Tuesday, January 29, 2019
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.