A interesohemi online për shëndetin? Eurostat: 1 në 3 shqiptarë, po. Ndër normat normat më të ulta në Europë
Një anketë e fundit e publikuar nga Eurostat tregon se thuajse 1 në 3 shqiptarë kërkon ndihmë online për problemet shëndetësore.
Të dhënat e Eurostat për Shqipërinë i referohen vitit 2018, ndërkohë që për pjesën dërrmuese të vendeve europiane ato janë të përditësuara edhe për vitin 2019. Sipas këtyre të dhënave, gjatë vitit 2018, 30% e shqiptarëve kanë kërkuar ndihmë shëndetësore online.
Mesatarja e Bashkimit Europian ndërkohë, fiksohet në 53%. Krahasuar me vendet e tjera të Europës, norma prej 30% në vendin tonë, rezulton të jetë më e lartë vetëm se ajo e Bullgarisë, e cila fiksohet në 25% për vitin 2018, dhe ngjitet në 30% në 2019-ën. Për vende si Finlanda norma ngjitet në 76%, thonë të dhënat e Eurostat.
Norma të ulta raportojnë edhe vende si Rumania apo Italia, në rreth 30%. Eurostat raporton rritje drastiketë kësaj normë në shumë vende të Bashkimit Europian gjatë dekadës së fundit, cka është rrjedhojë e drejtpërdrejtë e avancimit teknologjik por edhe e përhapjes së teknologjisë nëpër popullatë.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.