A janë ende funksionale ID e skaduara për shërbimet bankare? Rama sqaron qytetarët dhe bën publike letrën drejtuar bankave
Nëpërmjet një postimi në faqen e tij zyrtare në ‘Facebook’ kreu i qeverisë, Edi Rama, ka sqaruar dhe njëherë të gjithë ata qytetarë që janë të shqetësuar sa i takon skadencës së kartave të identitetit. Kryeministri Rama, ka sqaruar dhe njëherë të gjithë qytetarët që ju ka skaduar karta e identitetit se mund të vazhdojnë ta përdorin atë për të kryer shërbime në banka, deri në fund të situatës së krijuar si pasojë e pandemisë së Covid-19. Ndërkaq, në postimin e tij Rama ka postuar edhe letrën e ministrit të Brendshëm, Sandër Lleshaj, drejtuar bankave të nivelit të dytë, ku iu kërkon të pranojnë kartat e skaduara gjatë kësaj periudhe.
Postimi i plotë
U LUTEM TË GJITHË ATYRE QË ANKOHEN, PYESIN, KOMENTOJNË PËR KARTAT ID QË JANË JASHTË AFATIT KUR DUAN TË SHKOJNË NË BANKË, TË MOS PËRTOJNË TË LEXOJNË KËTË SHKRESË SE TEK E TEK TË GJITHËVE NUK U SHPJEGOJ DOT TË NJËJTËN GJË!
ID KONSIDEROHEN TË GJITHA TË VLEFSHME, MJAFTON TË GJENERONI NË SMARTFONIN TUAJ OSE PRINTONI NGA KOMPJUTERI JUAJ APO NGA KOMPJUTERI I BANKËS NJË ÇERTIFIKATË TË FRESKËT NGA www.e-albania.al/
AMAN DERMAN LEXOJENI🙏
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.