A janë femrat më të zgjuara se meshkujt?

Duke u përpjekur të krahasojmë inteligjencën dhe gjininë nuk marrim një diskutim produktiv. Hulumtimet e ndryshme që janë kryer për dekada me radhë tregojnë se meshkujt dhe femrat janë të barabartë në inteligjencën e përgjithshme (IQ), por kur bëhet fjalë për inteligjencën emocionale gjërat ndryshojnë shumë.

Kur flitet për inteligjencën emocionale shpeshherë na shkon mendja në atë që femrat janë delikate e meshkujt jo aq delikat, meshkujt bëjnë këtë që femrat nuk munden ta bëjnë etj. Kjo është e gabuar, kur flasim për inteligjencën emocionale duhet të kuptojmë se bëhet fjalë për mënyrën e të kuptuarit të ngjarjeve si dhe perceptimin e emocioneve të ndryshme.

Ekzistojnë hulumtime të ndryshme që tregojnë se inteligjenca emocionale( EQ) ndikon në performancën e të dyja gjinive në punë. Inteligjenca emocionale është përgjegjëse për 58 % të performancës në lloje të ndryshme punësh dhe rezulton se 90 % e punëtorëve me performancë të lartë në punë e kanë inteligjencën emocionale mjaft të lartë.

1. Vetëdija

Vetëdija nënkupton se sa mirë i kuptoni emocionet tuaja, njerëzit si dhe situatat e ndryshme në moment. Mund të themi se vetëm në këtë pikë femrat dhe meshkujt barazohen. Njerëzit përgjithësisht besojnë se meshkujt nuk i kuptojnë mirë emocionet e tyre, por ky studim e hedh poshtë këtë supozim dhe tregon se meshkujt i kuptojnë emocionet e tyre po aq mirë sa femrat. Ndoshta meshkujt i fshehin më mirë emocionet e tyre por kjo nuk do të thotë se ata nuk e kuptojnë çfarë po ndodh në ato momente.

2. Vetë menaxhimi

Vetë menaxhimi është ajo çka ju bëni me emocionet tuaja në momentin që jeni në dijeni të tyre. Duke qenë se nuk ekziston opsioni i zhdukjes së emocioneve mbetet që ti mirë menaxhojmë emocionet në mënyrë që sjellja jonë të jetë e përshtatshme. Kjo është ajo pikë ku meshkujt ja kalojnë femrave. Mendohet se shpjegimi më i mirë që i jepet dallimeve gjinore është mënyra se si shoqëria është rritur. Në rastin e vetë menaxhimit të emocioneve dihet se meshkujt janë të fortë për nga vetë natyra dhe arrijnë ti kontrollojnë emocionet e tyre prandaj dhe janë të avantazhuar ndaj femrave në këtë pikë.

3. Vetëdija social.

Vetëdija sociale tregon se sa mirë ju i kuptoni emocionet dhh përvojën e njerëzve të tjerë. Kjo kërkon aftësinë për të akorduar gjuhën e trupit si dhe sinjalet e tjera të pashprehura sepse siç e dimë, njerëzit zakonisht nuk e thonë hapur se ç’po ndodh me ta. Kjo sigurisht është një fushë ku femrat janë të avantazhuara kundrejt meshkujve pasi vetë natyra e femrës është e tillë.

4. Menaxhimi i marrëdhënieve

Menaxhimi i marrëdhënieve është maja e inteligjencës emocionale. Ajo kërkon që të përdorni vetëdijen, vetë menaxhimin si dhe vetëdijen sociale. Nuk mund të shpresoni të merrni maksimumin e ndërveprimeve me njerëz të tjerë nëse ju nuk kuptoni emocionet tuaj më parë. Edhe në këtë fushë femrat janë më të avantazhuara si pasojë e vetëdijes sociale që u shpjegua më sipër.

Viola Hydi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.