A ka abuzime me çmimin e naftës? – Debat në Komision, deputetët “fajësojnë” qeverinë
Rritja e menjëhershme e çmimit të naftës në vend dhe ecuria në të njëjtat ritme përgjatë gjithë muajve Mars dhe Prill, kanë ngritur pikëpyetje për abuzime në treg, jo vetëm të konsumatorëve, por edhe të deputetëve, duke shkaktuar debate në Komisionin parlamentar e Ekonomisë. Përfaqësuesit e qeverisë shprehen se arsyeja lidhet me luhatjet në bursë.
Në komisionin e Ekonomisë u diskutua akti normativ për përpunimin, transportimin dhe tregtimin e naftës, të gazit dhe nënprodukteve të tyre, i cili ka si qëllim mbajtjen nën kontroll të çmimit të hidrokarbureve. Por, në optikën e deputetëve vihet re mungesë transparencës në përcaktimin e marzheve të fitimit dhe shpenzimeve të njohura.
Bordi i Transparencës zhvillon mbledhje frekuente ku vendos çmimet tavan për tregtimin e naftës, benzinës dhe gazit në pikat e shitjes me pakicë.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.