A ka çdo fëmijë akses në arsim?! – Rreth 27% e fëmijëve me aftësi ndryshe nuk frekuentojnë shkollën
Në Shqipëri jo çdo fëmijë me aftësi ndryshe mund të ketë akses në sistemin arsimor. Kështu referuar të dhënave të World Vision rreth 27% e fëmijëve me aftësi ndryshe nuk e frekuentojnë shkollën. Kjo shifër është kthyer në “mollë” sherri mes Ministres së Arsimit dhe të organizatave jo qeveritare që mbrojnë të drejtat e fëmijëve në vend.
Ndërkohë që Ministrja e Arsimit ka risjellë edhe një herë në vëmendje faktin se këtë vit do të kemi dyfishim të mësuesve ndihmës në shkollat. Numri i tyre do të shkojë në 700 të tillë.
Në të gjithë vendin janë rreth 3700 fëmijë me aftësi ndryshe , kjo shifër sipas të dhënave zyrtare të qeverisë. Ndërkohë që vitet e fundit po mundohet ti kushtohet një rëndësi më e madhe “gjithëpërfshirjes në arsim”.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.