A ka mbërritur në Shqipëri varianti britanik i COVID-19? Përgjigjia zyrtare e Komitetit të Ekspertëve
Shqipëria nuk ka konfirmuar ende nëse ekziston në territorin e saj apo jo varianti i ri i virusit Covid-19 apo siç njihet ndryshe ‘varianti britanik’ i virusit. Zëvëndësministrja e Shëndetësisë Mira Rakacolli tha se ende nuk ka të dhëna të sakta apo të plota për praninë e këtij varianti të ri.
Këtë deklaratë zëvëndësministrja e bëri në daljen për mediat të Komitetit Teknik ku u njoftuan masat e reja.
“Ne nuk kemi të dhëna të qarta për virusin anglez që dihet që me shumicë është në Britani. Por janë zbuluar raste në disa shtete të botës por që janë sporadike.
E nuk mund të marrësh masa drastike. Ndryshe është në Angli ku ka një bum. Ndaj Komiteti ka vendosur tani për tani këtë masë. Dhe në varësi të dinamikës do të shikohet procesi” thaRakacolli e pyetur nga gazetarja e SCAN, Ola Mitre.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.