A po mbushet vakumi që la Amerika në OBSH? – Franca dhe Gjermania kontribuojnë me 716 milionë dollarë

Franca dhe Gjermania i kanë premtuar 716 milion dollarë Organizatës Botërore të Shëndetit pas një tërheqje të papritur të SHBA-së dhe rritej së ndikimit kinez mbi organizatën.

Ministri i shëndetësisë i Gjermanisë, Jens Spahn, premtoi 560 milion dollarë, dhe homologu i tij francez, Olivier Veran, premtoi 156 milion dollarë në një takim në Gjenevë.

Lëvizjet vinë gati një muaj pasi Presidenti Donald Trump njoftoi në 29 maj se SHBA nuk do të financojë më OBSH dhe po “përfundon” marrëdhëniet e saj me organizatën. SHBA ishte kontribuuesi më i madh i OBSH-së, duke siguruar 15% (ose 400 milion dollarë) të buxhetit të saj.

Para ndarjes, Trump kishte akuzuar OBSH se ishte “Kino-centrike ” dhe bashkëpunëtore në një mbulim të pandemisë në ditët e para të saj.

Një hetim nga Associated Press zbuloi se Kina mbajti të dhëna të fshehta nga OBSH për javë të tëra kur duheshin më së shumti. Kina ka këmbëngulur që i vuri të dhënat e saj në dispozicion sa më shpejt që të ishte e mundur.

Ndërkohë, shefi i OBSH, ndërsa nuk adresoi çështjen e tërheqjes së SHBA, vlerësoi si Francën ashtu edhe Gjermaninë për angazhimin e tyre ndaj shëndetit global.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.