A po rikthehen sërish kripovalutat? Bitcoin arrin $ 8,000, për herë të parë që nga maji
Të martën, kriptovaluta më e madhe, Bitcoin u rrit për herë të parë në dy muaj, në vlerën 8000$, duke çuar në ringjalljen e monedhave digjitale që kanë qenë nën presion për pjesën më të madhe të vitit.
“Bloomberg” shkruan se bitcoin arriti deri në 8 mijë dollarë gjatë orëve të tregtimit në Hong Kong. Monedhat rivale Ether, Litecoin dhe Ripple u zgjeruan gjithashtu.
“Ne kemi qenë në nivele depresive për gjashtë muajt e fundit, kështu që tani po ecim lart”, tha Timothy Tam, shefi ekzekutiv i CoinFi, një kompani e analizës së të dhënave të kriptomonedhës . “Koha është gjithnjë e vështirë të parashikohet, por unë mendoj se jemi në fillim të një tregu shekullar.”
Planet e BlackRock
Fati i Bitcoin dhe i monedhave të tjera dixhitale bëri kthesë në korrik pas një raporti që “BlackRock”, menaxher i madh i aseteve në botë, ka formuar një ekip për të studiuar mënyrat për të përfituar nga tregu dhe teknologjia e saj bazë. Bitcoin është rritur pothuajse 30 për qind që nga zbulimi i këtij lajmi.
Hapësira e kriptomonedhës ka luftuar ndryshe këtë vit, pasi industria ballafaqohet me rritjen e kontrollit rregullator në mbarë botën, si dhe shqetësimet e sigurisë, me hakerat që janë një problem i vazhdueshëm për shkëmbimet. Hajdutët arritën te merrnin rreth 500 milionë dollarë nga shkëmbimi japonez “Coin check” në janar, ndërkohë që më së fundi dy bursa Koreanë ranë pre në qershor e sulmeve kibernetike.
Estina Trungu/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.