Abuzim me privatësinë – Call center-at, shkelësit më të mëdhenj
Rreth 26 subjekte janë gjobitur me vlera të konsiderueshme për shkeljen e privatësisë së qytetarëve, me një vlerë total 10 milion lekë. Komisioneri për Mbrojtjen e të Dhënave Personale ka marrë 22 vendime gjatë vitit 2017-ë, duke penalizuar subjektet që nuk kanë respektuar ligjin.
Nga lista e subjekteve të gjobitura, vetëm një prej tyre është institucione shtetëror, dhe konkretisht bëhet fjalë për Universitetin Politeknik të Tiranës, ndërsa pjesa tjetër janë sipërmarrje private.
Sektori më problematik në shkeljen e privatësisë gjatë vitit që lam pas, ka rezultuar ai i call center, kompani turistike, kompani marketimi të drejtpërdrejtë si dhe kompani që janë kontraktuar për implementimin e projektit te adresave.
Vlera gjobave të vendosura varion nga, duke filluar nga 20 mijë deri në 2 milion lekë. Komisioneri për mbrojtjen e të dhënave personale dhe të drejtën e Informimit, Besnik Dervishi, në 10 vjetorin e krijimit të këtij institucioni, theksoi se do nuk do të ketë tolerime në këtë drejtim.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.