Abuzimet e ARRSH me fondet – Përfundojnë hetimet për rrugën Elbasan-Gjinar, dosja në Gjykatë
Prokuroria e Elbasanit ka mbyllur hetimet dhe ka dërguar për gjykim dosjen e abuzimeve në ndërtimin e Rrugës së Gjinarit. Dy emrat kryesorë të kësaj dosjeje janë ish drejtorët e Autoritetit Rrugor Shqiptar Dashamir Xhika dhe Andi Toma, që të për kryerjen e veprës penale të “Shpërdorimit të detyrës”. Bashkë me ta janë dërguar për gjykim edhe 9 nëpunës të tjerë, si dhe tre kompani private.
Aktualisht ish drejtori u ARRSH, Dashamir Xhika gjendet nën masën e sigurisë “arrest me burg”, e dhënë nga Gjykata e Krimeve të Rënda për shkak të një dosje tjetër me abuzime në Rrugën Tiranë Elbasan.
Sipas akuzës së prokurorisë, 11 personat e përfshirë në dosjen e Rrugës Elbasan Gjinar i kanë shkaktuar shtetit një dëm prej rreth 5 milionë dollarësh. Ndërtimi i këtij segmenti ka nisur që në vitin 2009, por sipas organit të akuzës, rruga nuk u përfundua kurrë.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.