Administrata tatimore Fier, Elbasan e Vlorë takim me bizneset – Thirrje për bashkëpunim kundër aksionit anti-informalitet

Në kuadër të aksionit anti-informalitet, administrata tatimore vijon takimet me kompani dhe biznese të juridiksionit të tyre në të gjithë vendin.

Drejtoritë Rajonale Tatimore Elbasan, Fier dhe Vlorë zhvilluan takime me përfaqësues të bizneseve në Librazhd, Fier e Vlorë në kuadër të luftës nga informalitetit si dhe përmirësimit të shërbimit ndaj tyre.

Sipas njoftimit të Drejtorisë së Përgjithshme të Tatimeve të publikuar në faqen e saj zyrtare, temat kryesore mbi të cilat u zhvillua diskutimi ishin edhe problematikat që ndeshen gjatë zbatimit të aksionit anti-informalitet, ecuria e deritanishme si dhe thirrja për të bashkëpunuar në luftën e përbashkët kundër informalitetit.

Ndërkohë, gjatë takimit përfaqësuesit e bizneseve parashtruan edhe shqetësimet e tyre lidhur me problematikat ligjore apo teknike në veprimtarinë e tyre të përditshme.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.