Administrata Trump në izolim ‘marramendës’ në KB për çështjet shëndetësore
Ditët e fundit të administratës në largim të Trump në Kombet e Bashkuara kanë rezultuar në një thellim të izolimit të SHBA mbi çështjet sociale dhe shëndetësore, me vetëm një grusht aleatësh duke përfshirë Rusinë, Bjellorusinë dhe Sirinë.
Në një votim këtë javë, SHBA ishte krejtësisht e vetme në mbështetjen e amendamentit të saj për një rezolutë në dukje të pakontestueshme në lidhje me përpjekjet për të trajtuar komplikimet mjekësore nga lindja. Ajo bëri thirrje për heqjen e referencave për Organizatën Botërore të Shëndetësisë (OBSH) dhe Fondin e Popullsisë të KB.
Asnjë komb tjetër nuk pranoi, me 153 vota kundër ndryshimit dhe 11 abstenim.
Një diplomat i KB-së tha se spektakli i një aleati perëndimor dhe i një super fuqie kaq të izoluar ishte “marramendëse”.
“Është e mahnitshme që ata pranuan të vendosin izolimin e tyre në regjistër, në ekran të plotë, ashtu”, tha diplomati.
Debatet në asamblenë e përgjithshme të KB këtë javë kanë qenë në çështjet shoqërore dhe humanitare dhe çështjet e të drejtave të njeriut, mbi të cilat misioni i SHBA intensifikoi fushatën e saj kryesisht të pasuksesshme për të hequr përmendjen e shëndetit riprodhues nga dokumentet e KB. Administrata Trump e sheh frazën si sinonim të abortit. (TheGuardian)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.