Administratat Doganore të Shqipërisë dhe Kosovës, seminar për kontrollin e mallrave strategjike në tregti
Shqipëria do të jetë vendi i parë i rajonit që do të përdorë programin “Tracker” në sistemin doganor për të verifikuar on-line licencimin e mallrave me përdorim të dyfishtë. Ky fakt u bë i ditur nga kreu i administratës doganore shqiptare Belinda Ikonomi në fjalën e mbajtur gjatë Seminarit Kombëtar për Zbatimin e Kontrollit të Mallrave Strategjike të Tregtisë. Në këtë seminar, i cili do të vazhdojë deri në datën 17 Nëntor, marrin pjesë anëtarë të stafit të Administratës Doganore Shqiptare dhe përfaqësues nga Administrata Doganore e Kosovës. Seminari organizohet nga Programi për Kontrollin e Eksporteve dhe Sigurinë Kufitare (EXBS) në bashkëpunim me Organizatën Botërore të Doganave.
Gjatë këtij seminari sillet përvoja vendore e Shqipërisë dhe Kosovës, duke u përqendruar njëkohësisht në rastet/studimet/shembujt e ndalimit për modulet e mallrave – Kimike, Biologjike, Materialet radioaktive dhe nukleare, materialet me përdorim të dyfishtë, etj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.