Afate, kosto e procedura të reja në Qendrën Kombëtare të Biznesit, 5 akte ligjore pritet të depozitohen në qeveri deri në maj

Ministria e Zhvillimit Ekonomik ka planifikuar të dorëzojë në Këshillimin e Ministrave 5 akte ligjore që synojnë të thjeshtojnë e të reduktojnë procedurat, afatet e kostot e lejeve dhe licencave. Referuar kalendarit të akteve që do të depozitohen për miratim, gjatë muajit maj do të depozitohet për miratim një ndryshim në ligjin për lejet dhe licencat, që ka në fokus reflektimin e ndryshimit të ligjeve sektoriale, që lidhen me ligjin për shërbimin e sigurisë fizike dhe me ligjin për arsimin profesional. Një ndryshim tjetër ligjor është ai që synon thjeshtimin dhe lehtësimijn e mëtejshëm të procedurave të trajtimit të licencave, lejeve dhe autorizimeve nga Qendra Kombëtare e Biznesit, shkurtimin e kohës së vendimmarrjes dhe ulja e kostos së procesit të aplikimit.

Një ndryshim tjetër është ai për përcaktimin e procedurave të regjistrimit dhe të publikimit në Qendrën Kombëtare të Biznesit. Ky projektakt që parashikohet të depozitohet deri në maj synon përmirësimin e procesit të regjistrimit të biznesit, reduktimin e procedurave dhe kohës së aplikimit si dhe të zgjidhë disa pengesa teknike që lidhen me aplikimet online ndëpërmjet portalit E-Albania, raporton SCAN.

Akti tjetër që parashikohet të depozitohet deri në maj është ai për një ndryshim në tarifat dhe shërbimet funksionale të Qendrës Kombëtare të Biznesit. Synimi i këtij ndryshimi është reduktimi i kostos në zero (0) lekë për veprimet e biznesit të kryera nëpërmjet sportelit elektronik.

Akti i pestë 5 që parashikohet të depozitohet deri në muajin maj është ai që amendon ligjin për licencat, autorizimet dhe lejet, ku parashikohet ulja e kohës së vendimmarrjes, lehtësimi i mëtejshëm të të bërit biznes, shkurtimi i kohës së vendimmarrjes dhe i kostos së procesit të aplikimit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.