Afrika e Jugut, e “zhgënjyer nga perëndimi” – Rampahosa: Ndalimi i udhëtimeve, i pajustifikuar. Ndëshkim i transparencës
Presidenti i Afrikës së Jugut, Cyril Ramaphosa, tha se është tejet i zhgënjyer nga vendet e pasura të Perëndimit, prej vendosjen e ashpër të ndalimit në udhëtime, pasi dëgjuan për variantin e ri. Ramaphosa, tha gjithashtu se vendi do të përballet me një valë të katërt të Covid-19 brenda disa javëve, ndërkohë që varianti i ri Omicron po nxit një rritje të infeksioneve në zonat më të populluara. Ai tha se autoritetet nuk do të konsiderojnë mbyllje ekonomike për momentin, për shkak të disponueshmërisë së vaksinave për ata në moshë 12-vjeç e sipër. Autoritetet në Afrikën e Jugut janë irrituar mbi ndalimin e udhëtimeve nga Britania, ç’ka bëri që vende të tjera të ndjekin. Shumë vende të Afrikës së Jugut besojnë se po ndëshkohen për transparencën dhe punën e fortë, në ofrimin e të dhënave se si virusi po pëson mutacion.
“Jemi thellësisht të zhgënjyer nga vendimi i disa shteteve për të ndaluar udhëtimet me disa vende të afrikano jugore, përfshirë vendin tonë, pas identifikimit të variantit Omicron. Kjo përbën një largim tërësisht të pajustifikuar nga premtimet që këto vende bënë në takimin e G20 në Romë muajin e kaluar”, u shpreh Presidenti i Afrikës së Jugut, Cyril Ramaphosa.
Presidenti i Afrikës së Jugut tha se është mbajtur një takim i kabinetit, ku është vendosur se vendi do të qëndrojë në nivel të alertit numër një me rrezik të ulët. Megjithatë, ai paralajmëroi se Afrika e Jugut po konsideron prezantimin e masave që e kthejnë vaksinimin në kusht për akses në vendet e punës, eventet publike, transportin publik dhe aktivitete të tjera.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.