Afron çelja e Kuvendit, PS mbledh Sekretariatin – Gjiknuri: Janari na gjen të riorganizuar dhe me Statut të ri për mandatin e tretë
Vetëm pak ditë nga çelja e Kuvendit, është zhvilluar të martën takimi I parë I Sekretariatit të sapoemëruar të Partisë Socialiste. Pas mbledhjes Sekretari i Përgjithshëm i PS-së Damian Gjiknuri u shpreh se riorganizimi i PS-së ishte në qendër të diskutimeve, ndërkohë që analiza për zgjedhjet e 25 prillit do të zgjasë deri në fund të vitit. Pyetjes së gazetarëve rreth zërave se në kupolën e partisë ka pakënaqësi, Gjiknuri, u përgjigj se “nuk ka dëgjuar ndonjë pakënaqësi të strukturuar”.
Duke nisur nga kjo e premte, konstituohen 2 institucionet më të rëndësishme që do ta drejtojnë vendin për 4 vitet në vijim, Kuvendi i Shqipërisë dhe Këshilli i Ministrave. Ndërkohë që në seancën e parë të Kuvendit pritet që të votohet si kryeparlamentarja e 4 viteve të ardhshme, Lindita Nikolla.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.