Afron sezoni i uraganëve në SHBA – Shtetet e rrezikuara regjistrojnë norma të larta të vaksinimit
Rritja e infeksioneve me Covid-19 dhe mesazhet e forta publike kanë nxitur normën e vaksinimit në vendet e rrezikuara nga uraganët në Shtetet e Bashkuaram por më shumë punë do të duhet sipas shefes kryesore të ndihmave nga katastrofa, Deanne Criswell.
Presidenti Joe Biden i bëri thirrje javën e kaluar amerikanëve në shtetet juglindore që të marrin vaksinën e Covid përpara se të nisë sezoni i stuhive, duke përmendur rritje të rrezikut nëse njerzit do të duhet të evakuohen. Criswell, gruaja e parë që drejton Agjencinë Federale të Manaxhimit të Emergjencave, tha se mesazhet e forta të Biden dhe zyrtarëve të tjerë, kanë nisur të japin efekt.
Autoritetet në Miami-Dade, Florida, dhe zona të tjera, kanë raportuar interes të lartë të vaksinimit. Crisëell tha se Agjencia po ofron doza të Covid-19 tek qendrat e rimëkëmbjes gna katastrofat, të caktuara në Luiziana dhe detroit, pas stuhive të fundit, dhe do të bëjë të njejtën gjë në vende të tjera.
Përhapja e koronavirusit ka qenë veçanërisht e shpejtë në Florida dhe juglindjen e SHBA, vende që pritet të përballen me stuhi të mëdha, ndërsa Amerika i drejtohet kulmit të sezoneve të stuhive të Atlantikut. Agjencia po ofron një shifër të madhe prej 5 miliardë dollarë për të ndihmuar shtetet dhe komunitetet lokale për të zbutur riskun e stuhive, zjarreve dhe katastrofave të tjera.
Klevis Llaha/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.