Agim Nesho në ‘’Argument’: ”Ja pse nuk mund të jemi një nga vendet e Bashkimit Europian”

Të enjten në mbrëmje, në ‘’Argument’’ u diskutua sesi duhej lexuar mesazhi i Hollandës kundrejt Shqipërisë për heqjen e vizave. Pjesë e panelit ishte dhe ish- Ambasador në OKB, Agim Nesho.

Ai është shprehur se Shqipëria ka probleme thelbësore me krizën politike, dhe sipas tij një vend me probleme të tilla nuk ka mundësi të jetë një nga vendet e Bashkimit Europian.

‘’Jemi ne që i kemi lënë vetes vend për tu përzgjedhur nga Hollanda. Qëndrimi i qeverisë shqiptare vitet e fundit nuk ka qenë ai i duhuri për integrimin e Shqipërisë. Vetëm një moment gjeoplitik mund ta shpëtojë Shqipërinë, pasi plani për integrimin e saj lë shumë për të dëshiruar.’’

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.