Agjencia Europiane e Hapësirës: Bllokimi ekonomik “ul nivelin e ndotjes globale”

Bllokimi që synonte ndalimin e përhapjes së COVID-19 ka ndikuar në nivelet e ndotjes duke e ulur atë është shprehur Agjencia Europiane e Hapësirës.

Të dhëna të reja nga Sateliti Copernicus Sentinel i Agjencisë Hapësinore tregojnë një ulje dramatike dhe drastike të ndotjes së ajrit në të gjithë Italinë dhe më gjerë.

Josef Aschbacher, Drejtori i Agjencisë Europiane të Hapësirës për Programet e Vëzhgimit të Tokës thotë se është një situatë ironike: “Është me të vërtetë një tregues i trishtuar që aktiviteti ekonomik po bie, por për planetin tonë është një lehtësim, sepse nivelet e ndotjes gjithashtu janë në rënie.

“Planeti ynë është i bukur, por edhe jashtëzakonisht i brishtë dhe unë mendoj se shumë njerëz e shohin planetin tonë dhe këtë ndotje të shkaktuar nga qeniet njerëzore në një këndvështrim shumë të ndryshëm tani”, është shprehur Aschbacher.

Por fenomeni nuk ndihet vetëm në Europë. Nivelet e dëmshme të dioksidit të azotit industrial në Kinë kanë rënë, të paktën pjesërisht, si rezultat i masave të saj të përmbajtjes së koronavirusit dhe ngadalësimit ekonomik të mëvonshëm. (Euronews)

N. Xh / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.