Agjencia për mbrojtjen e mjedisit do të padis Hungarinë për tenderin e liqenit të mbrojtur nga UNESCO!

Agjencia për mbrojtjen e mjedisit, Greenpeace po planifikon të padisë qeverinë hungareze për një projekt të diskutueshëm zhvillimi që ajo ka vënë në tender.

Ata pretendojnë se kërcënon një liqen të njohur si një sit i trashëgimisë botërore të UNESCO-s. Liqeni Ferto, ose Liqeni Neusiedl, (siç njihet nga austriakët) është liqeni më i madh endoreik në Europën Qendrore, që shtrihet në kufirin austro-hungarez.

Dhjetorin e kaluar, Sopron-Fertő Tourism Development Nonprofit Ltd. tërhoqi tenderin e tyre fillestar për të ndërtuar një port jahtesh dhe hotele në Liqen. Mirëpo, në prag të Krishtlindjes u bë një thirrje e dytë nga qeveria, për një projekt zhvillimi edhe më të madh.

Planet e reja synojnë të ndërtojnë dy motele, një qendër vizitorësh me një restorant dhe dy pishina gjigante ndër të tjera. Ofertuesi fitues do të ketë 36 muaj kohë për të përfunduar projektin.

Greenpeace planifikon të padisë qeverinë, duke thënë se tenderi i dytë është më problematik se i pari.

Katalin Rodics nga Greenpeace shpjegon se arsyeja e sfidës së tyre ligjore është se zonat që janë tenderuar në prokurimin publik për elementë individualë, janë sipërfaqe më të mëdha se në lejen mjedisore origjinale që Greenpeace e sfidon dhe plus ka elementë të rinj si një pallat me 26 apartamente për të cilin nuk ka fare leje mjedisore apo ndërtimi.

Organizatat hungareze dhe ndërkombëtare të ruajtjes së natyrës dhe mbrojtjes së trashëgimisë kanë kundërshtuar vazhdimisht projektet e ndërtimit në vend.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.