Agjentët kinezë në LinkedIn, rekrutime spiunësh amerikanë, ‘mundësisht’ ish- diplomatë dhe ekspertë inteligjence
LinkedIn është e vetmja platformë sociale e madhe amerikane e cila nuk është e bllokuar në Kinë. Mesa duket, kjo e fundit, nëpërmjet agjentëve të vet në rrjetin profesional, po përpiqet të rekrutojë punonjës ‘spiunë’ jashtë vendit, në Amerikë.
New York Times shkruan se LinkedIn është ideal për rekrutime pasi ka miliona individë të regjistruar që kërkojnë punë. Objektivat tipikë janë akademikë dhe njerëz jashtë Kinës që kanë lënë punën në shtet, ish diplomatë dhe ekspertë të inteligjencës.
Times raporton se një nga mënyrat si e përdorin agjentët kinezë LinkedIn është duke pretenduar se janë drejtues korporatash. Sipas këtij maskimi, ata arrijnë të rekrutojnë ‘punonjës me potencial’ dhe ofrohen t’i paguajnë për një udhëtim në Kinë për të biseduar nga afër.
Megjithatë, Nicole Leverich, zëdhënëse e LinkedIn tha për Times se të gjitha llogaritë false mbyllen nga ana e LinkedIn.
“Ne zbatojmë politikat tona, të cilat janë shumë të qarta: Krijimi i një llogarie false ose një veprimtari mashtruese me qëllim që të gënjejë anëtarët tanë është një shkelje e kushteve tona të shërbimit” u shpreh zëdhënësja e LinkedIn.
Prestigjiozja Times nuk është e para që shkruan mbi agjentët kinezë që përdorin LinkedIn për rekrutimin e spiunëve. Reuters vitin e kaluar raportoi tek shërbimet inteligjente të USA për lëvizjet ‘super agresive’ të Kinës.
Spiunët kinezë mund të mos jenë të vetmit që kryejnë përpjekje për rekrutim në LinkedIn, por ata janë dukur të jenë më aktivët, sipas raportit të Times.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.