Ahmetaj në “Argument”: Përmbysja e progresivitetit sjell dyfishim taksash! Për realizimin e programit, rritja minimalisht 12 %
Ish ministri i Financave, Arben Ahmetaj, aktualisht kryetar i Komisionit Parlamentar të Ekonomisë është bërë pjesë e diskutimit për “Alternativën e Zhvillimit Ekonomik” të prezantuar nga PD duke e cilësuar atë si një përmbysje të sistemit aktual, me pasoja të rënda për ekonominë.
“2 fjalë për atë që PD e quan program, që nuk është program por është përmbysje e progresivitetit në favor të pabarazisë. Taksimi 9 % sjell një dyfishim të taksave për ata që kanë paga nën 1 milion lekë të vjetra( them të vjetra për t’u kuptuar).
Në themel kjo lëvizje ngarkon me dyfish ata që kanë paga më të ulëta dhe shkon automatikisht në favor të pabarazisë. A e di se cfarë do të thotë të ulësh kontributet në 9 %? Shkatërron skemën e pensioneve. Që ky program te realizohet, që të mbahet borxhi në trajektore ulëse, i bie që rritjen ekonomike vendi duhet ta ketë 12 përqind minimalisht, që është e pamundur. Kjo do të thotë se do të shkaktohej një krizë e menjëhershme financiare që do të transferohej të qytetarët. Ky nuk është program” tha Ahmetaj në “Argument” në SCAN.
Lexo edhe:
Te ftuar Ervin Bushati , Florion Mima , Selami Xhepa , Dritan Shano
Posted by RADIO TELEVIZIONI SCAN on Thursday, February 7, 2019
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.