Ahmetaj, takim me ndërtuesit: “Do rishikojmë ndarjen e përgjegjësisë fiskale me pronarin e tokës”

Ndarja e përgjegjësisë fiskale midis ndërtuesit dhe pronarit të tokës do të rishikohet. Ministri i Financave dhe Ekonomisë, Arben Ahmetaj, në një takim të zhvilluar me Shoqatën e Ndërtuesve, siguroi se, pas konsultimeve, të cilat parashikohen të vijojnë deri në korrik, do të këtë një formatim të paketës fiskale, ku do të merren parasysh edhe kërkesat e kësaj shoqate.

Përfaqësuesi i shoqatës së ndërtuesve të Shqipërisë, Luigj Aleksi, e quajti të padrejtë taksën e truallit, duke kërkuar mbështetjen e ministrisë për rishikimin e saj.

Aktualisht ndërtuesit paguajnë taksën e truallit edhe për pjesën që u takon  pronarëve, e cila varion nga 30 deri 45%.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.