Ahmetaj viziton zyrën e punës – Brenda 100 ditësh, mbi 110 mijë dokumente do të ofrohen online

Në një prononcim për mediat nga Vlora, Ministri i Financave është shprehur se brenda 100 ditëve të para do të ofrohen mbi 110 mijë dokumente online. Ahmetaj tha se ofrimi i dokumenteve online do të lehtësojë ndërmjetësimin mes punëkërkuesve dhe sipërmarrjes.

“Këtu jemi edhe për të deklaruar atë që po bëjmë me derugulimin. Janë 80 mijë vërtetime apo 30 mijë dokumente që lëshohen nga zyrat e shërbimit kombëtar me 3 tipologji. Ne shumë shpejt ato dokumente do t’i ofrojmë online, pra nuk do të ketë nevojë që të shkojnë në sportelet e shërbimit kombëtar të punës. E gjithë kjo është në kuadrin e deregulimit, iniciativë e Kryeministrit për të gjitha institucionet në favor të shërbimit ndaj qytetarëve dhe ndaj sipërmarrjes. Vetëm me këtë hap, vetëm me këtë lehtësim procedure, vetëm me ofrimin e këtyre dokumenteve online, pra jo nëpër sportele, ne i shpëtojmë qytetarëve dhe sipërmarrjes 3,650 ditë pune. Pra 10 vite brenda 1 viti”, tha Ahmetaj.

Këtë deklaratë Ministri i Financave dhe Ekonomisë Arben Ahmetaj, e bëri në qarkun e Vlorës, ku  vizitoi Zyrën e Punës dhe Qendrën e Formimit Profesional.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.