“Air Albania” nis fluturimet – Keri: Çmime më të lira biletash, operim në 5 aeroporte
“Air Albania” do të fillojë fluturimet në mes të muajit prill, me nisjen e operimit të aeroporti të ri të Stambollit.
Kreu i Autoritetit të Aviacionit Civil, Krislen Keri bëri me dije se dikasteri që ai drejton ka përmbyllur certifikimin, ndërkohë që çmimi I biletave për qytetarët pritet të jetë më i lirë. Fillimisht, “Air Albania” do të kryejë fluturimet drejt Stambollit, ndërsa më pas do të zgjerohet edhe në 4 aeroporte të tjerë.
Ndërkaq, i pyetur nga TV SCAN në lidhje me rishikimin e kontratës koncesionare me aeroportin e Rinasit, duke qenë se auditi nxori në pah krijimin e disbalancave ekonomike, Keri preferoi të mos japë detaje duke shtuar se ky është një proces që po kryhet nga Ministria e Infrastrukturës dhe Energjisë.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.