Air Albania nis procesin e rekrutimit për të rinjtë – Rama: Së shpejti do të ngrejë avionët
Linja e re ajrore kombëtare, Air Albania, pritet së shpejti të nisë zyrtarisht fluturimet dhe tashmë ka hapur edhe procesin e rekrutimit të stafit.
Njoftimin ka zgjedhur ta bëjë vetë kryeministri Edi Rama, përmes një postimi në faqen e tij në Facebook. Kompania është duke kërkuar kryesisht të rinj të moshave 21-29 vjeç me kriter të vetëm aftësitë e mira në komunikim.
“Çdo vajzë e djalë që përmbush kriteret dhe dëshiron të provojë veten në konkursin për një vend në trupën e kompanisë kuqezi, është i mirëpritur”, shkruan kryeministri.
Aplikimet e të interesuarve duhet të dërgohen në adresën elektronike [email protected] . Fluturimet e para të kompanisë pritet të jenë në drejtim të aeroporteve rajonale si Podgorica, Prishtina, Sarajeve, Shkupi dhe Zagrebi, por edhe pika të tjera në Europën Perëndimore.
“Ambicia jonë është që AIR ALBANIA të bëhet zgjedhja e parë e çdo shqiptari dhe duam që vajza e djem të zgjedhur të këtij vendi, të mikpresin e të shërbejnë në bordin e avionëve të krenarisë sonë kombëtare”, shkruan Rama.
A.H./SCAN
AIR ALBANIA NJE FAQE E RE NE HISTORINE E UDHETAREVE SHQIPTAREA dëshiron të punosh në kompaninë ajrore të Shqipërisë që së shpejti do të ngrejë avionët e saj? Ambicia jonë është që AIR ALBANIA???të bëhet zgjedhja e parë e çdo shqiptari dhe duam që vajza e djem të zgjedhur të këtij vendi, të mikpresin e të shërbejnë në bordin e avionëve të krenarisë sonë kombëtare? Çdo vajzë e djalë që përmbush kriteret dhe dëshiron të provojë veten në konkursin për një vend në trupën e kompanisë kuqezi, është i mirëpritur?
Posted by Edi Rama on Thursday, April 12, 2018
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
