Aksesi i personave me aftësi të kufizuar – Incidente në konferencë, të verbërit: S’keni ndërhyrë. Ministria: Po caktojmë prioritetet
Konferenca e parë Kombëtare “Aksesueshmëria dhe sfidat për gjithë përfshirje”, organizuar nga Ministria e Shëndetësisë dhe Mbrojtjes Sociale është shoqëruar me incidente, ku të rinj që i përkisnin personave me aftësi të kufizuar në shikim kërkuar ofrimin e shërbimeve reale për këto kategori dhe bërjen publike të fondeve të deritanishme.
Kërkesa e tyre u bë teksa në konferencë po bëheshin prezantime nga përfaqësues bashkish mbi arritjet 4-vjeçare në këtë drejtim.
Përgjigja ndaj këtyre shqetësimeve erdhi nga drejtoresha e Politikave Sociale, Merita Xhafaj e cila tha se konferenca do të shërbente për vendosjen e piketave mbi ndërhyrjet që do të bëhen, teksa foli edhe për një fond social të vënë në dispozicion për këtë qëllim, që do u shkojë bashkive për mbështetjen e investimeve.
Mungesa e aksesit për personat me aftësi të kufizuar është një shqetësim i ngritur prej vitesh, ndërkohë që edhe plani i veprimit është miratuar që në vitin 2016. Megjithatë, pavarësisht kësaj, institucionet mbështeten te organizimi i konferencave për të përcaktuar prioritetet e ndërhyrjeve.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.