Akset kombëtare, 1 mld lekë për mirëmbajtjen e rrugëve
Pavarësisht motit të keq dhe temperaturave të ulëta, akset kombëtare të vendit janë të hapura dhe disa prej tyre të kalueshme me zinxhir.
Drejtori i Standardeve pranë Autoritetit Rrugor Shqiptar, Spartak Tarka, bën me dije për TV SCAN se, firmat kontraktore kanë qenë në gadishmëri të plotë. ARRSH ka financuar për 11-muajt e vitit 2016 rreth 1 miliardë lekë për 83 kontrata në tërësi dhe buxhetit i kushton mirëmbajtja mesatarisht 2 milionë lekë për 1 km rrugë.
Me përmirësimin e motit do të bëhet edhe një vlerësim për firmat kontraktore, ku në rast se gjenden shkelje do të ndërmerren penalitete. Tarka sqaron edhe deklaratat kontradiktore lidhur me punën e kontraktorëve. Autoriteti Rrugor Shqiptar menaxhon dhe mban përgjegjësi për mirëmbajtjen e rreth 4000 kilometrave rrugë kombëtare. Ndërsa, nevojat e financimit për këtë qëllim janë shumë më të larta.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.