Aksi “Mbikalimi Kasharit – Rinas” – ARRSH: Nga dita e nesërme devijohet trafiku me një kalim

Autoriteti Rrugor Shqiptar ka njoftuar se filluar nga dita e nesërme do të fillojë puna për realizimin e disa punimeve emergjente për përmirësimin dhe rritjen e sigurisë rrugore në këto pika të rrezikshme.

Zona në të cilën do të vijojë puna sipas ARRSH, është aksi “Mbikalimi Kasharit – Rinas” në kryqëzimet e Domjes dhe Laknasit. Nisur nga ora 9:00-17:00, trafiku do të devijohet me një kalim në këto 2 kryqëzime përgjatë kryerjes së punimeve.

Për sa i përket lëvizjes së mjeteve,  ato do të udhëhiqen nga punonjësit e Policisë Rrugore dhe nga punonjësit e kompanisë “Geci”, si pjesë e kompanisë që do të realizojë punimet. ARRSH ka kërkuar mirëkuptimin e përdoruesve të rrugës dhe bizneseve për oraret në të cilat do të devijohet trafiku.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.