Aksioni i fundjavës në rrugët e Tiranës – Policia arreston 22 drejtues mjetesh dhe pezullon 106 patenta
Pavarësisht angazhimeve masave kontrolleve patrullimeve dhe monitorimeve nga ana e Policisë së Shtetit përsëri mbetet shqetësuese sa dhe e rrezikshme, numri i personave që konstatohen duke drejtuar automjetet nën efektet e alkoolit.
Sipas Policisë së Shtetit nga verifikimet e kryera, në sajë të përdorimit të pajisjeve speciale, si radar dhe alkoolmatës, gjatë fundjavës janë evidentuar dhe arrestuar në kushtet e flagrancës 22 drejtues mjetesh për drejtim mjeti në mënyrë të parregullt, nga të cilët 19 në gjendje të dehur dhe 3 të pa pajisur me leje drejtimi.
Gjithashtu janë pezulluar 106 leje drejtimi, nga të cilat 59 për drejtim mjeti nën efektin e alkoolit, 36 për shpejtësi mbi normat e lejuara dhe 11 për shkelje të tjera të ndryshme, janë proceduar administrativisht 23 drejtues mjetesh për mos rregullim shpejtësie në qendrat e banuara dhe gara me shpejtësi dhe janë proceduar administrativisht 15 drejtues mjetesh për xhama të errësuar.
Policia e Shtetit ka ndaluar administrativisht 28 mjete për detyrime administrative të pashlyer si dhe janë vendosur 3561 masa të tjera administrative, për shkelje të tjera të rregullave të qarkullimit rrugor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.