Aktet e pronësisë për tokat në bregdetin e jugut/ Kadastra nis konsultimin publik. Afati deri me 4 gusht
Në kuadër të regjistrimit fillestar të pasurive të paluajtshme në DVASHK, Sarandë, Kadastra Shqiptare njofton se pas përfundimit të punimeve fushore dhe administrimit të dokumentacionit shtetëror për aktet e pronësisë në Zonën Kadastrale 2518 fshati Lukovë, Bashkia Sarandë, është pregatitur regjistri kadastral për këtë zonë, Blloku 1 dhe 2, ku rezultojnë 1105 pasuri të paluajtshme.
“Në zbatim të Urdhrit Nr.1081 dt. 16.06.2021, të Drejtorit të drejtorisë vendore të ASHK-së Sarandë, prej datës 21.06.2021 fillon konsultimi publik i të dhënave të regjistrimit fillestar për ZK.2518 Lukovë-(Blloku 1dhe 2).
Konsultimi publik për këto pasuri do të kryhet për një periudhë kohore 45 ditore dhe 𝐝𝐨 𝐭ë 𝐩ë𝐫𝐟𝐮𝐧𝐝𝐨𝐣ë 𝐦𝐞 𝐝atë 𝟎𝟒.𝟎𝟖.𝟐𝟎𝟐𝟏. Gjatë kësaj periudhe, në zyrën e konsultimit publik mund të depozitohen dokumentacion pronësie si dhe çdo pretendim apo ankesë në lidhje me të dhënat e pronësisë të shpallur. Harta kadastrale dhe të dhënat e pronësisë do të jenë të afishuara në zyrën e informacionit me adresë godina e njësisë administrative Lukovë, si dhe në faqen e internetit www.ashk.gov.al “ informon Kadastra.
Në rast se, pas konsultimit të hartës kadastrale, do të keni paqartësi apo ankesa mund të shkruani për sqarime pranë adresës së emailit: [email protected]
“Përjashtimisht, në rastet kur do të jetë e nevojshme depozitimi i dokumentacionit origjinal të akteve të pronësisë, ai do të dorëzohet sipas procedurës ligjore të pranimit të dokumentave pranë DV.ASHK Sarandë . Te gjithë titullmbajtësit janë të mirëpritur të ndjekin procesin e konsultimit publik për të përfunduar më sukses këtë proces dhe pajisjen me certifikatë pronësie” përfundon njoftimi i Kadastrës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.