Akti i Tregjeve Dixhitale të BE-së: Çfarë është dhe çfarë do të thotë ligji i ri për ju dhe Big Tech?!

Rregullat historike të BE-së që synojnë Big Five, gjigantët e teknologjisë Google, Amazon, Apple, Meta dhe Microsoft ka të ngjarë të vendosin një pikë referimi globale dhe madje mund t’i detyrojnë gjigantët e teknologjisë të jenë më inovativë, thonë avokatët dhe ekspertët.

Shefja e antitrustit europian Margrethe Vestager fitoi mbështetjen e anëtarëve të Bashkimit Europian dhe ligjvënësve të BE-së për propozimin e saj, Aktin e Tregjeve Dixhitale (DMA), për të frenuar fuqitë e gjigantëve të teknologjisë duke përdorur legjislacionin për herë të parë në vend të hetimeve të gjata antitrust.

Cédric O, Ministri francez për Ekonominë Dixhitale, të enjten e quajti legjislacionin e dakorduar “rregullimin më të rëndësishëm ekonomik në dekadat e fundit”.

DMA përcakton një listë të gjërave që duhen bërë dhe jo që synojnë praktikat kryesore të biznesit të secilit gjigant teknologjik – dhe kjo mund të ketë implikime ndërkombëtare.

“DMA është këtu për të qëndruar dhe do të pasqyrohet shpejt në një numër vendesh. Fleksibiliteti që kishte Big Tech do të kufizohet, pasi ‘xhaketa’ rregullatore do të shtrëngohet globalisht,” tha Ioannis Kokkoris, profesor i ligjit të konkurrencës në Universitetin Queen Mary në Londër.

Ndërsa Big Tech ka përmendur shqetësimet për ndikimin e mundshëm në inovacion, rregullat e reja kanë potencialin të nxisin më shumë inovacione në kundërshtim me shqetësimet e gjigantëve të teknologjisë, sipas Nicolas Petit, profesor i ligjit të konkurrencës në Institutin Universitar Evropian në Firence.

DMA është vetëm hapi i parë drejt sigurimit që gjigantët e teknologjisë të luajnë drejtë, tha Alec Burnside, një partner në firmën ligjore Dechert në Bruksel. RTS AP

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.