Akti normativ për buxhetin, tarifat e gjyqësorit e pakicat! Çfarë kanë në tryezën e punës deputetët për 3 javët e para(Kalendari i komisioneve)
3 mujori i parë i punës së Kuvendit pritet të jetë një tremujor intensiv, jo vetëm për faktin se në programin e punës janë të përfshira 46 nisma ligjore të trashëguara nga legjislatura e kaluar por edhe për vetë faktin se po afrohet afati ligjor për diskutimet e buxhetit të ri. Konkretisht, 5 nisma ligjore të planifikuara në kalendarin e punës janë të vitit 2015 ndërsa 26 nisma ligjore të viti 2016. Ndërkohë, 13 nisma janë të vitit 2017.
Në mbledhjen e parë, Komisioni i Ekonomisë ka në rend dite aktin normativ për ndryshimin e buxhetit të vitit 2017;akt që u miratua nga qeveria për t’i dhënë zgjidhje problematikës së blerjes së energjisë elektrike. Votimi i këtij akti është parashikuar të bëhet në seancën e datës 21 shtator. Po ashtu, në listën e nismave për t’u shqyrtuar nga Komisioni i Ligjeve janë nisma si ajo për tarifat dhe shpenzimet gjyqësore, projektligji për profesionin e avokatit apo ai për shërbimin përmbarimor. Këto nisma janë pjesë e paketës se ligjeve që shoqërojnë Reformën në Drejtësi. Në tre javët e para të punës, Komisionet Kuvendore kanë në kalendar shqyrtimin dhe miratimin e 17 nismave të cilat janë planifikuar të miratohen në 3 seancat e ardhshme plenare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.