Aktivistët bllokojnë centralin gjerman – Ndalojnë për dy ditë punën e “burimit më të madh të CO2 në Europë”
Aktivistët e ndryshimeve klimatike në Gjermani kanë bllokuar furnizimin e një prej stacioneve energjetike pranë qytetin të Këln, në shenjë proteste kundër “burimit më të madh të dioksidit të karbonit në Europë”.
Qindra protestues paqësorë u ulën në shinat e trenit që të çon në stacionin energjetik që operohen nga kompani gjermane RWE. Kathrin Hennenberger, që është edhe zëdhënese e grupit të aktivistëve tha për Reuters se, qëllimi i tyre është t`i jepet fund centraleve që punojnë me qymyr, duke përdorur si mjet bllokimin e rrugës së transportit të qymyrit. Kjo është edhe arsyeja se përse ata kanë bllokuar shinat e trenit.
Një studim i vitit 2008 i Universitetit të Stanford tregonte se, ndryshimet klimatike si rrjedhojë e dyoksidit të karbonit nga centralet e prodhimit të energjisë elektrike si dhe ai që emetohet nga makinat janë shkaktarë të qindra vdekjeve të parakohshme në Shtetet e Bashkuara çdo vit, për dekada me radhë. Një pjesë e madhe e vendeve kryesore europiane vazhdojnë të përdorin qymyrin si burimin kryesor të energjisë elektrike për konsum të gjerë.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.