Aktiviteti i sipërmarrjes në Eurozonë “kap veten” / Rekord i lartë 6-mujor

Aktiviteti i biznesit në zonën e euros u zgjerua në Mars, sipas shifrave paraprake të Mërkurën, por ekonomitë po përgatiten për një valë të tretë të infeksioneve Covid-19 të cilat mund të prishin çdo rimëkëmbje.

PMI i përbërë i IHS Markit për zonën e euros, i cili shikon aktivitetin si në prodhim ashtu edhe në shërbime, arriti 52.5 në Mars përkundrejt 48.1 në Shkurt. Një lexim mbi 50 përfaqëson një zgjerim në aktivitetin ekonomik.

Të dhënat paraprake tregojnë për zgjerimin e parë ekonomik në rajon që nga shtatori dhe rritjen më të madhe që nga korriku.

“Ekonomia e zonës euro mundi pritshmëritë në mars, duke treguar një zgjerim shumë më të mirë se sa pritej falë kryesisht një rritje rekord në prodhim,” tha Chris Williamson, shefi i ekonomisë së biznesit në IHS Markit, në një deklaratë.

Prodhimi ka qenë nxitësi më i madh i performancës ekonomike këtë muaj, por sektori i shërbimeve – i goditur më rëndë nga pandemia – gjithashtu përjetoi një përmirësim, duke arritur nivelin më të lartë në 7 muaj.

D.B – SCAN
Burimi: CNBC

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.