AKU bllokon 2 subjekte në Llogara – Operonin në kushte të rënda higjieno-sanitare dhe me produkte të skaduara

Autoriteti Kombëtar i Ushqimit vijon aksionin në zonat bregdetare për identifikimin e subjekteve që shkelin rregullat e sigurisë ushqimore.

Nga kontrolli i ushtruar së fundmi në zonën e Llogarasë, AKU ka bllokuar dy subjekte me aktivitet ‘Restorant’ dhe ‘Piceri’. Subjektet kryenin veprimtari në kundërshtim me standardet e sigurisë ushqimore dhe në kushte të rënda higjieno-sanitare.

DRAKU Vlorë ka marrë masa administrative ndaj tyre me gjobë për kushtet të rënda higjieno –sanitare dhe produkte të skaduara si dhe bllokim të pjesshëm të aktivitetit.

Ndërkohë, AKU fton të gjithë qytetarët që të denoncojnë çdo rast apo tentativë abuzimi pranë AKU-së di dhe në portalin e bashkëqeverisjes.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.