AKU kontrolle në terren – 24 masa administrative në Tiranë, Fier, Shkodër dhe Vlorë gjatë 24 orëve të fundit

Trupat inspektuese të Autoritetit Kombëtar të Ushqimit, kanë vijuar edhe gjatë 24 orëve të fundit 135 kontrolle për inspektimin në garantim të sigurisë ushqimore, si dhe monitorimin në vazhdën e masave të marra kundër përhapjes së COVID-19.

Sipas njoftimit gjatë inspektimit në Tiranë janë marrë 15 masa administrative “paralajmërim”, 4 masa “paralajmërim” në Fier, 2 në Vlorë si dhe 3 të tilla në Shkodër.

“Bazuar në Planin e Monitorimit për mbetjet e pesticideve, janë marrë 9 mostra në Fier në perime si domate, patate dhe 1 në banane, 5 mostra në Elbasan në subjekte të tregtimit të plehrave kimike dhe janë bllokuar 20 ton pleh deri në daljen e analizave, si dhe 6 mostra janë marrë në Korçë,” bën me dije AKU.

Autoriteti Kombëtar i Ushqimit do të vijojë të jetë i pranishëm në të gjithë vendin në garantim të sigurisë ushqimore dhe shëndetit të konsumatorëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.