AKU mbyll subjektin në Shkodër, tregtonte dhe prodhonte në kushte të paligjshme
Autoriteti Kombëtar i Ushqimit, gjatë inspektimit në Shkodër ka mbyllur aktivitetin e një subjekt privat, i cili përpunonte, konservonte dhe ambalazhonte fruta-perime jashtë standardeve higjieno-sanitare. Masa administrative e vendosur mbi ketë subjekt është 2.400 000 lekë gjobë në total.
“Trupat inspektues e Drejtorisë Rajonale Shkodër në bashkëpunim me strukturat e Hetimit Tatimor dhe Krimit Ekonomik kanë konstatuar se ky subjekt prodhonte dhe tregtonte në kushte higjieno-sanitare të papërshtatshme dhe për këtë fakt i është dhënë dënimi administrativ me 500 000 lekë. Kjo nuk ishte e vetmja shkelje që i është gjetur këtij subjekti nga inspektorët e AKU-së pasi i mungonte plani i vetëkontrollit HACCP dhe për këtë është dënuar me gjobë prej 200 000 lekë, gjithashtu subjektit nuk i funksiononte sistemi i gjurmueshmërisë dhe për këtë ka marrë një tjetër dënim administrativ me 2000 000 lekë. Subjekti “C” me numër NIPT- K56613003T dhe i licencuar për Përpunim, konservim, ambalazhim fruta-perime kryente procese të tjera pa licencë si : Ambalazhimin e vajit të sallatës, ullirit dhe prodhimin e majonezës dhe për pasojë janë marrë sërish masa administrative prej 1000 000 lekë”, thuhet në njoftim e AKU.
Inspektorët e AKU-së kanë gjetur në ambientet e subjektit 20 vazo x 200gr mjaltë jashtë afateve të përdorimit dhe për hedhjen në treg të ushqimeve të pasigurta subjekti ka marrë një tjetër masë administrative me 500 000 lekë gjobë. Nga trupat inspektuese të DRAKU-së Shkodër u morën 24 mostra për analiza në laborator dhe u bllokuan sasitë e produkteve gjendje 27144 kg deri në daljen e përgjigjeve të analizave. Për sasitë e produkteve të pasigurtë sa më sipër janë bllokuar dhe do asgjësohen.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.