AKU shton kontrollet në shkolla, kopshte dhe biznese – 28 masa administrative dhe paralajmërime në të gjithë vendin

Trupat inspektuese të Autoritetit Kombëtar të Ushqimit kanë kryer 335 inspektime dhe monitorime edhe si pjesë e Task-Forcës Anti-Covid duke vazhduar monitorimet nëpër kopshte e shkolla, por edhe në të gjitha bizneset duke këmbëngulur në zbatimin me përpikëri të gjitha masave të protokollit të sigurisë, si e vetmja mënyrë për të shmangur përhapjen e virusit.

Sipas njoftimit gjatë inspektimeve është dhënë në një biznes një masë administrative, për mungesë gjurmueshmërie të produkteve ushqimore, si dhe janë dhënë 27 paralajmërime në biznese të tjera ushqimore, për mungesë të librezave shëndetësore, mungesë të rinovimit të analizave të ujit, higjienizim të mureve të ambienteve të punës etj.

AKU bën me dije se referuar Planit të Marrjes së Mostrave, janë marrë 24  mostra në monitorim të qumështit, por dhe të analizimit të perimeve për mbetje pesticide.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.