AKU vijon inspektimet – Vendos 300 mijë lekë gjoba dhe asgjëson mbi 8 ton produkte ushqimore në Tiranë, Elbasan, Fier dhe Shkodër.
Trupat inspektuese të Autoritetit Kombëtar të Ushqimit, njoftojnë se gjatë 117 inspektimeve dhe monitorimeve në të gjithë vendin gjatë 24 orëve të fundit kanë konstatuar se:
- Gjatë kontrolleve në Tiranë, janë dhënë 8 masa administrative me “paralajmërim”, është dhënë një masë administrative me “gjobë” për hedhjen në treg të ushqimit të pasigurt për konsum human në vlerën e 000 lekëve, janë bllokuar 1.575 ton produkte ushqimore, si edhe janë asgjësuar 4.4 ton produkte ushqimore me kërkesë të vetë subjektit.
- Në Elbasan në një subjekt me aktivitet ruajtje-shpërndarje produktesh ushqimore, janë asgjësuar 4.3 ton produkte me kërkesë të vetë subjektit.
- Fier janë marrë 5 masa administrative me “paralajmërim” dhe në Shkodër 1 masë e tillë.
- Bazuar në Planin për monitorimin për mbetjet e pesticideve në fruta-perime, janë marrë për t’u analizuar 39 mostra në Durrës, 10 mostra në Shkodër dhe 3 mostra material mbjellës shumëzues në Berat.
Autoriteti Kombëtar i Ushqimit në përputhje të kërkesave të legjislacionit në fuqi, është i pranishëm në të gjithë vendin, për të garantuar sigurinë ushqimore dhe mbrojtjen e shëndetit të konsumatorëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.