AKU vijon kontrollet në terren/ Mbi 150 mijë lekë gjoba dhe 25 ton produkte ushqimore të asgjësuara në Tiranë e Fier
Trupat inspektuese të Autoritetit Kombëtar të Ushqimit gjatë 357 kontrolleve në terren edhe gjatë 24 orëve të fundit kanë kryer punën në garantim të sigurisë ushqimore, si dhe në monitorime në kuadër të Task – Forcës kundër përhapjes së Covid-19.
Sipas AKU gjatë inspektimeve në Tiranë është vënë një masë administrative “gjobë”, në një furrë buke në vlerën e 50.000 lekëve për prerje të bukës, si dhe janë asgjësuar 25 ton produkte ushqimore të pasigurta për konsum human.
AKU bën me dije se nga kontrollet e kryera në Fier u vendos një masë administrative “gjobë” me vlerë 100,000 lekë në një subjekt “tregtim përpunim qumështi dhe nënprodukteve të tij”, pasi gjatë inspektimit janë konstatuar 0.4 ton gjalp dhe 0.5 ton djath të paetiketuara. Kjo sasi është bllokuar në subjekt deri në daljen e përgjigjeve të analizave. Gjithashtu janë marrë edhe 5 masa administrative me “paralajmërim” pasi gjatë monitorimeve në subjekte u evidentua mosrinovim të librezave shëndetësore si dhe rinovim të planit DDD etj. Masa të tilla me paralajmërime janë marrë edhe në Vlorë dhe Shkodër.
Në kuadër të Planit të marrjes së Mostrave është marr një mostër në Korçë për analizim në një “thertore shpendësh” dhe 3 mostra për analizim në Fier për plehrat e përdorura në bimësi.
AKU do të vijojë kontrollet në garantim të sigurisë ushqimore dhe shëndetit të konsumatorëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.