Alarm Covid-19 në ekosistemin e biznesit startup. 1 në 3 biznese kërkon shtyrje të pagesave të taksave. 40% me humbje prej 3 muajsh
Alarmi financiar si pasojë e pandemisë globale ka prekur secilën “venë” të biznesit shqiptar. Sipas një studimi të kryer nga PROTIK dhe INNVEST mbi 75% e bizneseve startup presin pasoja negative në aktivitetin e tyre ekonomik edhe në 6 mujorin e dytë të vitit 2020.
Anketimi ka përfshirë shumë biznese nga e gjithë Shqipëria ku pjesa më e madhe, rreth 73%, përbëhen nga jo më shumë se 4 punonjës. Lidhur me kërkesat e tyre drejtuar qeverisë shqiptare, 36% kërkojnë një shtyrje të taksave dhe detyrimeve ndërsa mbi 60% kanë ndryshuar modelin e tyre të biznesin pa një ide të qartë se cilat do të jenë kërkesat e tregut në të ardhmen e afërt.
Ky raport vjen në një moment relativisht ideal për Shqipërinë për të menduar, hartuar dhe mbi të gjitha zbatuar, një strategji për klimën e të bërit biznes, ku startup-et përfaqësojnë idetë e reja, përdorimin e teknologjive më të avancuara por gjithashtu dhe janë baza extrakurikulare e edukimit ekonomik dhe financiar për të gjithë popullsinë.
Lidion Kulla / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.