Algjeri, vendi në ngërç – Protestuesit kërkojnë largimin e të gjithë klasës politike

Mijëra algjerianë kanë dalë nëpër sheshe duke protestuar dhe kërkuar largimin e të gjithë elitës politike në vend, përpara zgjedhjeve të reja të përgjithshme. Kjo është protesta e 30-të me radhe e të Premteve, e që ka filluar me kërkesën për lirimin nga burgu të kreut të opozitës. Ushtria nga ana tjetër, që është edhe institucioni më i fortë në vend kërkon zgjedhje presidenciale sa më shpejt që të jetë e mundur në mënyrë që të thyejë disi tensionin mes protestuesve dhe autoriteteve.

Mungesa e një Presidenti të zgjedhur, pas dorëheqjes së Bouteflika në muajin Prill e ka lënë vendin më të madh të Afrikës si dhe eksportin më të madh të naftës në kontinent  në një ngërç të madh konstitucional. Kërkesat e protestuesve për largimin e të gjithë elitës politike përpara zgjedhjeve e bëjnë edhe më të vështirë gjetjen e një zgjidhje. Dhjetëra aleatë të ish-Presidentit, përfshirë dy ish ministra, dy ish krerët e shërbimit të inteligjencës, ministra si dhe biznesmenë shumë ët rëndësishëm janë vendosur pas hekurave me akuza për korrupsion.

Por, sërish, protestuesit kërkojnë largimin e të gjithë kastës së vjetër, dhe kthimin e nëj faqe tërësisht të re. Algjeria është një prej furnizuesve kryesore të Europës me gaz si dhe një partner strategjik i Shteteve të Bashkuara ta Amerikës në luftën kundër grupeve islamike në rajonin e Saharasë.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.