Alitalia, në rrugë pa krye – 600 mln euro ndihmë nga shteti, por falimenti shumë pranë
Për Alitalian, të paktën për momentin, duket se nuk do ketë kurrë dritë në fund të tunelit.
Përpos faktit se ndaj kompanisë qeveria ka akorduar një hua prej 600 milionë eurosh, me një normë interesi në 10%, gjërat janë komplikuar ndjeshëm.
Tashmë, Alitalia ka hyrë në administrim të jashtëzakonshëm, dhe janë vendosur tre komisarë nga qeveria për të vlerësuar situatën reale.
Norma e interesit prej 10% vlerësohet si mjaft e lartë, madje më e lartë edhe se ajo e aplikuar kur u shpëtuan bankat.
Me humbje që vlerësohen në rreth 1 milionë euro në ditë, Alitalia pritet të falimentojë në fund të muajit Maj, tregojnë vlerësimet paraprake.
Etihad ndërkohë, aksionere në kompani, deklaroi së fundmi se, nuk ka ndërmend të investojë më asnjë qindarkë.
“Abu Dhabi nuk ka ndërmend të investojë para shtesë te Alitalia në rast se, aksionerët e tjerë nuk bëjnë të tyren”, deklaroi kreu ekzekutiv i Etihad.
Nga ana tjetër, ministri italian i ekonomisë, Carlo Calenda, deklaroi se, Alitalia i ka kushtuar deri më tani italianëve 8 miliardë euro drejtpërdrejtë, pa llogaritur koston indirekte.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.