Alitalia sërish në grevë – Anulon më shumë se 350 fluturime. Ja lista e plotë

Këtë të premte kompania italiane Alitalia ka filluar një grevë 24 orësh e iniciuar nga sindikatat Fit Cisl, Uiltrasporti dhe UGL të Transportit Ajror që përfshin pilotët, stjuardesat dhe personelin tokësor.

Janë më shumë se 350 fluturime (kombëtare dhe ndërkombëtare) të anuluara nga Alitalia. Në vend të tyre do të operojnë normalisht fashat orare nga 7:00 deri në 10:00 dhe nga 18:00 – 21:00. Veç tyre u anuluan gjithashtu edhe fluturime të mëngjesit të nesërm të 14 dhjetorit.

Këtu është lista e fluturimeve të anuluara që shfaqen në faqen e internetit të kompanisë.

Si të veproni në rast anulimi

Për të kufizuar shqetësimet e pasagjerëve, kompania bën me dije se është aktivizuar një plan i jashtëzakonshëm që parashikon përdorimin e aeroplanëve më të mëdhenj në rrugët e brendshme dhe ndërkombëtare, me qëllim rishikimin e udhëtarëve të përfshirë në anulime në fluturimet e para në dispozicion në të njëjtën ditë : gjysma e pasagjerëve pritet të jetë në gjendje të udhëtojë në të njëjtën ditë më 13 dhjetor. Pra, pasagjerët e përfshirë në anulime mund të kontrollojnë se në cilën fluturim janë ri-skeduluar duke hyrë në www.alitalia.com dhe duke futur të dhëna për fluturimin e tyre.

Alitalia fton të gjithë udhëtarët të kontrollojnë gjendjen e fluturimit të tyre, përpara se të shkojnë në aeroport, në faqen e internetit të alitalia.com, duke thirrur numrin pa pagesë 800.65.00.55 (nga Italia) ose numrin +39.06.65649 (nga jashtë), ose duke kontaktuar agjencinë e udhëtimit ku e kanë blerë biletën.

Pasagjerët që kanë blerë një biletë Alitalia për të udhëtuar mes mbrëmjes së 12 dhe mëngjesin e 14 dhjetorit, në rast të anulimit ose modifikimit të orarit të fluturimit të tyre, mund të ndryshojnë rezervimin pa penallti ose të kërkojnë një kthim të biletës (vetëm nëse fluturimi është anuluar ose është vonuar për më shumë se 5 orë) deri në 18 dhjetor.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.