Alkoolizmi në rritje – Një në tetë amerikanë të rritur janë të alkoolizuar

Një studim i ri i publikuar nga “JAMA Psychiatry” këtë muaj zbuloi se shkalla e çrregullimit të përdorimit të alkoolit ose ajo që quhet ndryshe si alkoolizëm u rrit me 49 për qind në dekadën e parë të viteve 2000.

Një në tetë të rritur amerikanë ose 12.7 për qind e popullsisë së SHBA plotëson kriteret e çrregullimit të përdorimit të alkoolit, sipas këtij studimi.

Autorët e studimit e karakterizojn ë këtë gjetje si një krizë serioze dhe të neglizhuar të shëndetit publik, duke theksuar se alkoolizmi është një nxitës i rëndësishëm i vdekshmërisë nga një bërthamë sëmundjesh.

“Çrregullimet që mund të vijnë nga alkooli janë nga më të ndryshmet duke filluar që nga ato, kardiovaskularet, sëmundje të fetusit, hipertensionit, cirozës së mëlçisë, diabetit dhe shumë të tjerave me rradhë”.

Në të vërtetë, gjetjet e studimit janë forcuar nga fakti se vdekjet si pasojë e alkoolit janë shtuar, sidomos me cirozë alkoolike dhe hypertension.

Qendrat për kontrollin dhe parandalimin e sëmundjeve vlerësojnë se 88,000 njerëz në vit vdesin nga shkaqet që lidhen me alkoolin, më shumë se dyfishi i numrit të vdekjeve vjetore të mbidozës së drogave.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.