Amazon bëhet kompania e dytë në botë e cila vlerësohet në 1 trilion dollarë
Amazon është bërë kompania e dytë në botë që vlerësohet nga Wall Street në vlerën 1 trilion dollar, disa jave pasi Apple arriti momentin e parë historik. Ditën e martë, rritja u pasqyrua në çmimin e aksioneve të Amazon, e cila ishte renditur në bursën e Nasdaq në SHBA, në vlerën e një trillion –dollarësh për herë të parë. Kalimi i pragut në 1 trilion dollarë shënon kapitullin e fundit në një histori të habitshme të rritjes për kompaninë, e themeluar nga biznesmeni Jeff Bezos në Seattle në vitin 1994.
Më pak se 25 vjet më vonë, Amazon ka fituar në gjithçka, nga shitja me pakicë, tek sendet ushqimore, deri te video streaming, duke ndihmuar që të grumbullojë të ardhura prej 178 miliardë dollarësh vitin e kaluar. Bezos është bërë njeriu më i pasur në botë, me një vlerë neto të vlerësuar më shumë se 167 Miliard Dollar, sipas Forbes.
Amazon doli në publik me një vlerë prej 18 dollarë aksion në vitin 1997 – të martën këto aksione arritën në vlerën e 2,050 dollarë, duke e rritur të gjithë vlerën e kompanisë në mbi 1 Trilion Dollar. Por me rritje të shpejtë ka ardhur kritika e ashpër ndaj qëndrimit të saj ndaj taksave dhe të drejtave të punëtorëve.
Kompania që filloi jetën e shitjes së librave dhe CD-ve në internet, është shndërruar në një gjigant që tani e bën vlerën nga faqet e internetit të tilla si Airbnb, Netflix dhe Unilever. Amazon Web Services aktualisht është drejtuesi kryesor për një kontratë prej 10 miliard dollarësh për të siguruar shërbime cloud për Departamentin e Mbrojtjes të SHBA.
Krahas shërbimeve cloud, Amazon po rrit biznesin e medias, duke zhvilluar shfaqje televizive dhe filma. Vitin e kaluar ajo bleu Whole Foods, zinxhirin e shitjes me pakicë, për 13 miliard dollarë, si dhe zinxhirin e tregut ushqimor. Tani kompania duket se ka synuar tregun e kujdesit shëndetësor si mundësia e saj më e madhe.
Zgjerimi i Amazon – dhe pasuria e Bezos – kanë tërhequr zemërimin e Donald Trump. Bezos bleu Washington Postin në 2013 dhe kritikat e gazetës për Trump kanë shkaktuar sulme të shumta nga presidenti. Amazon u ofroi 7 miliardë dollarë për të ndërtuar selinë e saj të dytë në New York .
Amazon kishte luftuar me Apple për të arritur shifrën historike prej $ 1tn për muaj, por humbi kur tregjet e aksioneve u përgjigjën pozitivisht në rezultatet financiare të Apple muajin e kaluar. Të dy kompanitë tani kanë një vlerë të tregut të aksioneve më shumë se një të tretën e prodhimit ekonomik vjetor të Britanisë së Madhe dhe më të mëdha se ekonomitë e Turqisë dhe Zvicrës.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.