Amazon njofton planin e ri – Do të hapë mbi 1000 vende të reja pune në Irlandë

Amazon do të hapë më shumë se 1000 vende të reja pune në Irlandë gjatë dy viteve të ardhshme. Kompania ka rreth 2500 njerëz të punësuar aktualisht në Irlandë, një vend i cili vijon të jetë një magnet për firmat kryesore të teknologjisë.

Sipas Amazon, pozicionet e reja të punës me qendër në Dublin do të përfshijnë inxhinierë softuerikë, specialistë të sigurisë dhe specialistët të të dhënave në Amazon dhe Amazon Web Services.

Ndërkohë, më herët kompania deklaroi se do të hapë 2500 vende të reja pune në Britaninë e Madhe, duke rritur numrin e punëtorëve në 28 000.

“Vendimi i Amazon për të hapur 1000 vende të reja punë në Irlandë e mbështet misionin tonë për ta bërë këtë vend një ekonomi dixhitale inovative dhe një udhëheqës global në sektorin e teknologjisë”, tha në një deklaratë kryeministri irlandez, Leo Varadkar.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.