Amazon: Punonjësit në SHBA me maskë. Vendimi pas përhapjes së shpejtë të variantit Delta

Kompania Amazon ka urdhëruar të gjithë punonjësit amerikanë të mbajnë një maskë në punë, pavarësisht statusit të tyre të vaksinimit, pasi varianti shumë infektiv Delta i COVID-19 ka përfshirë vendin.

Kompanitë në të gjithë Shtetet e Bashkuara kanë forcuar mbrojtjen e tyre kundër virusit, pasi varianti Delta detyroi agjencinë e shëndetit publik amerikan të ndryshojë kursin dhe të këmbëngulë që edhe individët e vaksinuar plotësisht duhet të vendosin maskë.

“Ne po monitorojmë situatën nga afër dhe do të vazhdojmë të ndjekim udhëzimet e qeverisjes vendore, si dhe të punojmë ngushtë me profesionistët kryesorë të kujdesit shëndetësor mjekësor, duke mbledhur këshillat dhe rekomandimet e tyre ndërsa shkojmë përpara për të siguruar që ndërtesat e Amazon të jenë të optimizuara për sigurinë e ekipeve tona,” tha një zëdhënës i kompanisë.

Muajin e kaluar, kompanitë e mëdha të teknologjisë, përfshirë Alphabet të Google dhe Facebook u kërkuan punonjësve amerikanë që të vaksinoheshin për të hyrë në zyra, ndërsa Twitter tha se po mbyllte zyrat e saj të rihapura në vend. Ndërkohë, Amazon zgjati punësimin nga shtëpia deri më 3 janar.

Në fillim të kësaj jave, rastet e koronavirusit në të gjithë botën tejkaluan 200 milionë, ndërsa rastet e SHBA ishin 35.62 milionë të enjten.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.